一站式五金購物及採購平台 - 3.0版本現已推出

現已推出「快速下單功能」,搶先體驗

【最新家用電鑽推介】家用電鑽應該點揀好? 有咩需要考慮?

家用電鑽-推介

 

大家好,歡迎光臨JACO積高。有好多客人都想知道家用電鑽有咩唔同,同埋點揀,想我地suggest一啲款式俾大家去考慮。咁今日呢,小編就會同大家分析一下,屋企需要用啲咩家用電鑽喇。

 

家用電鑽考慮要點1: 比較少去使用,唔想洗太多錢

don't want to waste too much money on drill -家用電鑽推介

Ok,其實呢個point係合理嘅,因為普通人同裝修師傅好唔同,家用電鑽推介應該係動力無咁強的電鑽。但問題係,效能太差又驚做唔到野,咁所以小編會建議大家買一把平嘅高效能家用電鑽,即係中國品牌果啲,因為性價比較高,而且個動力同西方牌子差唔多。例如內地東成集團嘅DCK品牌家用電鑽,就真係好平,但效能又有咁上下。

 

家用電鑽考慮要點2: 鑽牆同唔鑽牆

home use drill - drill concrete or not -家用電鑽推介

如果你有睇過我地另一篇文章,都知道鑽牆係要用到特別少少嘅工具,咁家用電鑽又鑽唔鑽到牆呢? 其實,電鑽一向都唔係主力用黎鑽牆嘅,因為專門鑽牆嘅工具叫做「油壓鑽」/ 「電錘」,而電鑽,只係用黎鑽下磚、木、金屬咁,又可以當係螺絲批咁用,所以兩者係唔同樣架。當然,強力少少嘅電鑽都可以鑽石屎牆,石屎同磚唔同,石屎真係要用多少少力先入到。12V嘅家用電鑽試都唔駛試,但18至40V嘅都有少少選擇嘅,問題係,有平有貴,貴嘅話,家用又唔考慮,所以我地建議家用電鑽都係揀番大陸牌子會合理啲,一個字:「平」嘛。

以下係一啲平嘅非鑽牆嘅選擇,夠曬用:

選擇1: 東成DCK KDJZ2060i 20V 充電式無刷衝擊電鑽 – JACO 積高 (jacohardware.com)

選擇2:美國 STANLEY 史丹利 SBD710D2K-B1 V20 充電式無刷電鑽 (2電1充套裝) – JACO 積高 (jacohardware.com)

 

至於要鑽牆又要平,就呢隻:

選擇1: 東成DCK KDJZ03-13 20V 充電式無刷衝擊電鑽 – JACO 積高 (jacohardware.com)

 

家用電鑽考慮要點3: 保養

home use drill warranty -家用電鑽推介

家用電鑽,好老實講,真係唔多會用嘅話,其實即係自帶N年嘅保養期。點解美國嘅家用電鑽會有咁長保養期? 例如3年以上。就係因為佢地少用,但佢地每個house都會自備工具咁解。香港保養期普遍比較短,西方同日本牌子會長多少少,中國牌子就會短啲,但都係果句,家用電鑽,3個月同1年,其實相差唔幾,反正你本身都唔多用,咁所以揀大陸牌子就可以了。

 

家用電鑽考慮要點4: 個人喜好

有人鍾意靚、強、西方牌子,對人、對任何事物,都有要求。咁所以點都會有家庭客買幾千蚊一套嘅電鑽,例如Makita 40V電鑽,一部到位,用落醒神,鑽乜都得,但鑽牆一定無油壓鑽高效。家用電鑽,有時都係要睇主觀感受黎買,買到心頭好。

 

家用電鑽考慮要點5: 插電定充電式家用電鑽推介

home use drill corded or cordless -家用電鑽推介

充電式家用電鑽好處係方便,無其他特別野,同埋粒電可以用喺其他相同電壓相同牌子嘅工具,例如18V電可以用落唔同嘅18V電動工具度,吸塵機果D家用工具都可以用得番。而插電款就真係無乜揀,metabo、bosch都仲有,口碑唔錯。但鋰電家用電鑽係個big trend黎,啲電愈黎愈耐用,基本上問題不大。

 

關於JACO積高

JACO積高係一個五金工具專門店,有好多唔同嘅電動工具俾各位去選購,無論係家用定專業用,都有相應嘅工具去應付所需,歡迎向我地查詢更多喔!